2014, ജൂലൈ 10, വ്യാഴാഴ്‌ച

ഭാഗ്യത്തിന്ഞാന്‍പ്രസവിച്ചില്ല.. ..!


ഭാഗ്യത്തിന്ഞാന്‍പ്രസവിച്ചില്ല.. ..!
                 
                   അടുക്കളയില്‍ പയര്‍ നുറുക്കി കൊണ്ടിരിക്കുമ്പോഴാണ് പെങ്ങള്‍ വന്നു പറഞ്ഞത്‌ “ “ഇന്നവര്‍ നിന്നെ കാണുവാന്‍ വരും നീ  പോയി കുളിച്ചു റെഡി ആയിക്കോ ഞാന്‍ നുറുക്കി കോളാം      “.പെങ്ങള്‍ പറഞ്ഞത് ശ്രദ്ധിക്കാതെ ഞാന്‍ വീണ്ടും സ്വപനത്തില്‍ മുഴുകി കൊണ്ട് പയര്‍ നുറുക്കുവാന്‍  തുടങ്ങി ...പെട്ടെന്ന് അടുക്കളയിലേക്കു വന്ന ഉമ്മ എന്റെ കയ്യില്‍ നിന്നും കത്തി വാങ്ങി കൊണ്ട് പറഞ്ഞു “പോയി ഒരുങ്ങേടാ ......... മൂസാക്ക പറഞ്ഞ പെണ്ണും അവളുടെ ഉമ്മയും കൂടി ഇന്ന് നിന്നെ കാണാന്‍ വരും .. കേട്ട സ്ഥിതിക്ക് നല്ല ആലോചനയാ ഇതിനും നീ വല്ല കുറ്റവും കണ്ടു പിടിച്ചാല്‍ പിന്നെ നീ കല്യാണം കഴിക്കാതെ വീട്ടില്‍ കൂടേണ്ടി വരും ..! യെന്നും പറഞ്ഞു ഉമ്മ പോയി ...ആഗ്രഹങ്ങളും ആശകളും ഒക്കെ  ഉള്ള ഒരു യുവാവല്ലേ ഞാനും കൂടെ പഠിച്ചവര്‍ എല്ലാം  കല്യാണം കഴിഞ്ഞു പോയി ..എന്നിട്ടും എന്റെ കല്യാണം മാത്രം ശെരി ആകുന്നില്ല ...!! അതെങ്ങിനെ ഇഷ്ട്ട പെട്ട പെണ്ണ് വരണ്ടേ .. ഒന്നുങ്കില്‍ നീളം കുറവ് ,അല്ലെങ്കില്‍ പേടി പെടുത്തുന്ന കണ്ണുകള്‍ ,ചിലതിന്റെ  നിറം കരി ഓയിലിനേക്കാള്‍ കറുപ്പും  .. ഞാന്‍  സ്വപ്നം കണ്ട മോഹിച്ച ഒരു പെണ്ണിനെ എനിക്കും കിട്ടില്ലേ ,? എന്നെ പോന്നു പോലെ നോക്കാന്‍ കഴിവുള്ള  ഒരുത്തിയെ എനിക്കും കിട്ടും ഹാ  സമയം ആയിട്ടുണ്ടാകില്ല ...  ഇങ്ങിനെ ഉള്ള ചിന്തകള്‍ മനസിലിട്ട് കൊണ്ട് ഞാന്‍ കുളിമുറിയില്‍ കയറി നന്നായൊന്നു കുളിച്ചു ….കുളിയൊക്കെ കഴിഞ്ഞു മുടിയൊക്കെ ചീകി .. പാന്റും,, കുപ്പായവും ഇട്ടു കൊണ്ട് റൂമില്‍ കയറി ..കണ്ണാടിയില്‍ ഞാന്‍ എന്നെ നോക്കി കൊണ്ട് പറഞ്ഞു “ ഈ വരുന്നവളെ എങ്കിലും എനിക്ക് ഇഷ്ട്ടമാകേണമേ............ഇടയ്ക്കിടയ്ക്ക് അവര്‍ വരുന്നുണ്ടോ എന്നറിയാന്‍ ഞാന്‍ പുറത്തേക്കു നോക്കി കൊണ്ടേ ഇരുന്നു ..പെട്ടെന്നാണ് മൂസാക്കയും കൂടെ ഒരു പെണ്ണും അവളുടെ ഉമ്മയും കൂടി നടന്നു വരുന്നത് കണ്ടത് ..ഞാന്‍ ഓടി ചെന്നു കൊണ്ട്  ഇത്തയോട് പറഞ്ഞു “  ഇത്താ അവര്‍ വരുന്നുണ്ട് എനിക്ക് പേടിയായിട്ടു വയ്യാ ..”പെങ്ങള്‍ എന്നെ നോക്കി കൊണ്ട് പറഞ്ഞു “ ഇ ചെക്കന്റെ ഒരു പേടി അവര്‍ നിന്നെ കാണാന്‍ വരുന്നതല്ലേ തിന്നാനൊന്നും അല്ലല്ലോ പിന്നെന്താ  “..പറഞ്ഞു തീര്ന്നപോഴേക്കും മൂസക്ക അകത്തേക്ക് കയറി വന്നു ..എന്നിട്ട് പറഞ്ഞു .. “ഡാ പോയി ചായ എടുത്തോണ്ട് വാ അവര്‍ നിന്നെ ഒന്ന് കാണട്ടെ ..”ഞാന്‍ ഒന്ന് മടിച്ചു നിന്നു...  നാണം വന്നിട്ട് വയ്യ ..”ഇത് കണ്ടതും പെങ്ങള്‍ ചായ എടുത്തു കൊണ്ട് വന്നു എന്റെ കയ്യില്‍ തന്നു കൊണ്ട്  പറഞ്ഞു “ കൊണ്ട് പോയി കൊടുക്ക്‌ അവളെ നല്ലോണം നോക്കണം കണ്ടിട്ട് നല്ല പെണ്ണാണെന്ന് തോന്നുന്നു ..”മനസ്സില്ല മനസ്സോടെ ഞാന്‍ ചായയുമായ്‌ അവരുടെ മുന്നിലേക്ക്‌ പതുക്കെ നടന്നു .. ആദ്യത്തെ ചായ മൂസാക്കാക്ക്  കൊടുത്തു .. അടുത്തത് അവളുടെ ഉമ്മാക്കും  ,,അടുത്ത കസേരയില്‍ എന്നെ തന്നെ നോക്കി ഇരിക്കുന്ന അവളുടെ അടുത്ത് ചെന്ന് കൊണ്ട് ഞാന്‍ ചായ എടുത്തു  കൊടുത്തു എന്നിട്ട് മെല്ലെ ഞാന്‍ ആ മുഖത്തേക്ക് ഒന്ന് നോക്കി ......!!എന്നെ നോക്കി ചെറുതായി    ഒന്ന് ചിരിച്ചു കൊണ്ട് അവള്‍ ചോദിച്ചു “ എന്താ നിന്റെ പേര് “..എനിക്ക് നാണം വന്നിട്ട് വാക്കുകള്‍ പുറത്തേക്കു വന്നില്ല ..എന്നാലും അവളുടെ മുഖത്തേക്ക് നോക്കനാവാതെ ഞാന്‍ പറഞ്ഞൊപ്പിച്ചു“ സക്കരിയ്യ “........................!!!!!!!!!!!!!!!അവളോട്‌ പേര് ചോദിക്കണം എന്നുണ്ടായിരുന്നു മനസ്സില്‍ പക്ഷെ നാണം കാരണം  ചോദിയ്ക്കാന്‍ കഴിഞ്ഞില്ല .. പേര് പറഞ്ഞ ഉടനെ ഞാന്‍ അകത്തേക്ക് ഓടി ....!പെങ്ങള്‍ എന്റെ അടുക്കല്‍ വന്നു ചോദിച്ചു “ ഇഷ്ട്ടയോ ഡാ നിനക്ക്  ..?”ഞാന്‍ ചിരിച്ചു കൊണ്ട് ..തല താഴ്ത്തി നിന്നു ..മൂസാക്ക വീണ്ടും ഉമ്മയുടെ  അടുത്ത് വന്നു പറഞ്ഞു “അവര്‍ക്ക് ചെക്കനെ ഇഷ്ട്ടമായി .. നിങ്ങള്ക്ക് ഇഷ്ട്ടമായെന്കില്‍ എന്നെ വിളിക്കണം ഞങ്ങള്‍ പോകുവാ .”. എന്നൊക്കെ പറഞ്ഞു മൂസാക്ക അവരെ കൂട്ടി  നടക്കാന്‍ തുടങ്ങി .. ഞാന്‍ അവര്‍ പോകുന്നതും നോക്കി നില്‍ക്കുമ്പോഴാണ് അവളൊന്നു  തിരിഞ്ഞു നോക്കിയത് .. ഞാന്‍ അറിയാതെ ഒന്ന് ചിരിച്ചു ..നല്ല പെണ്ണ് . എന്നെ നോക്കുവനോക്കെ കഴിവുണ്ട് കണ്ടാലെ അറിയാം ..പിന്നെ എല്ലാം പെട്ടെന്നായിരുന്നു  .. കല്യാണം ഉറപ്പിക്കലും. കല്യാണവും എല്ലാം .കല്യാണ ദിവസത്തിന്റെ തലേന്ന് രാത്രി കൂട്ടുകാര്‍ വന്നു എന്തൊക്കെയോ പറഞ്ഞു തന്നു ..കല്യാണം കഴിഞ്ഞാല്‍ ചെയ്യേണ്ട കാര്യങ്ങള്‍ ...!....അന്ന് രാത്രി നേരം പോയതെ അറിഞ്ഞില്ല .... ഇന്നാണ് കല്യാണം ..കുടുംബക്കാരും കുട്ടികളും, നാട്ടുകാരും ,സുഹുര്തുക്കളും എല്ലാം വരുന്നു ..ഡ്രസ്സ്‌ എല്ലാം മാറി ഞാന്‍ ഭക്ഷണം കഴിച്ചു ....സുഹുര്തുക്കലോക്കെ വന്നു ഓരോ ഗിഫ്റ്റ്‌ തരികയും  കൂടെ നിന്നു ഫോട്ടോ യെടുപ്പിക്കുകയും ചെയ്തു  ...നേരം പെട്ടെന്ന്  പോയി കൊണ്ടിരുന്നു അധികം  വൈകാതെ പെണ്ണും കൂട്ടുകാരികളും ഞങ്ങളുടെ വീട്ടില്‍ വന്നു ..ആരൊക്കെയോ വന്നു എന്നെ പുതിയ കല്യാണ ഷര്‍ട്ടും പാന്റും ധരിപ്പിച്ചു .. കല്യാണ പന്തലില്‍ ഇരിക്കുന്ന  എന്റെ വധുവിന്റെ അടുത്തേക്ക് അവരെന്നെ കൊണ്ട് പോയി അവളുടെ അടുത്ത് ഇട്ടിരിക്കുന്ന കസേരയില്‍ ഇരുത്തി ..ക്യാമറ മാന്മ്മാര്‍ ഞങ്ങളെ രണ്ടാളെയും മാറി മാറി ഫോട്ടോ എടുക്കുന്നു  .. ഞാനപ്പോഴും നാണം കാരണം  തല കുനിച്ചാണ് ഇരിക്കുന്നത് .. .അവരുടെ കൂടെ ഇരുന്നു ചായയും എന്തോ പലഹാരവും കഴിച്ചു കൊണ്ട് എന്റെ വീട്ടില്‍ നിന്നും അവരുടെ വീട്ടിലേക്കു പുറപ്പെട്ടു ............കാറില്‍ കയറി അവളുടെ അടുത്ത് തന്നെ ഞാനും ഇരുന്നു  .. കാറില്‍ വെച്ച് അവള്‍ എന്തൊക്കെയോ  ചോദിക്കുന്നു എനിക്ക് ഒന്നും പറയുവാന്‍ കിട്ടുന്നില്ല .. ഞാന്‍ ചിരിച്ചു കൊണ്ട് ഒന്നും പറയാതെ തല താഴ്ത്തി ..കുറച്ചു സമയത്തെ യാത്രക്ക് ശേഷം അവളുടെ വീടിനു  മുന്‍പില്‍ കാര്‍ നിന്നു .....ഞാന്‍ പതുക്കെ ഡോര്‍ തുറന്നു പുറത്തേക്കു  ഇറങ്ങി കൂടെ അവളും .. ആളുകള്‍ എന്നെ തന്നെ നോക്കി എന്തൊക്കെയോ അടക്കം പറയുന്നു ,,അവളുടെ ജേഷ്ട്ടന്‍ വന്നു എന്റെ  കയ് പിടിച്ചു കൊണ്ട് അവരുടെ വീട്ടിലേക്കു നടന്നു  .. ഫോട്ടോ യെടുക്കുന്നവരെയും എന്നെ നോക്കി വെള്ളമിറക്കുന്ന  പെണ് കുട്ടികളെയും നോക്കാതെ ഞാന്‍ അവളുടെ ജേഷ്ട്ടന്റെ കൂടെ നടന്നു .അവരുടെ വീട്ടില്‍ ഞങ്ങള്‍ക്ക് രണ്ടു പേര്‍ക്കും ഇരിക്കുവാനുള്ള കസേരകളില്‍ ഒന്നില്‍ ഞാനും മറ്റേതില്‍ അവളും ചെന്നിരുന്നു ..കുറച്ചു നേരത്തെ വിശ്രമത്തിനു ശേഷം ഒരു ജൂസും പപ്സും തിന്നു കൊണ്ട് അവരെല്ലാം കൂടി എന്നെ  മണിയറയുടെ  ഉള്ളില്‍ കൊണ്ട് ആക്കി ..കൂടെ വന്ന സുഹുര്തുക്കളില്‍ ഒരുത്തന്‍ വന്നു എന്റെ ചെവിയില്‍ പറഞ്ഞു “ ഞങ്ങള്‍ പോവുകയാണ് ഇനി വിരുന്നിന്റെ അന്ന് കാണാം .. എല്ലാം ഭംഗിയായി  നീ നോക്കണം .. അവളുടെ മുന്നില്‍ നീ നാണിച്ച് ഇരിക്കരുത്  . ബാക്കി യൊക്കെ ഇന്നലെ പറഞ്ഞത് പോലെ ചെയ്യുക ..” തല താഴ്ത്തി ഇരിക്കുന്ന എന്റെ ചെവിയില്‍ ഇത്രയും ഉപദേശം തന്നു കൊണ്ട് അവന്‍ റൂമില്‍ നിന്നും ഇറങ്ങി “ ..സമയം രാത്രി ആയി തുടങ്ങുന്നു .. കല്യാണ വീട്ടില്‍ മായാതെ നില്‍ക്കുന്ന ബിരിയാണിയുടെ മണം  റൂമിലേക്ക്‌ അപ്പോള്‍ വീശിയ കാറ്റിലൂടെ ഒഴുകി വന്നു ..പെട്ടെന്നാണ് അവളുടെ ജെഷ്ട്ടന്റെ ഭാര്യ റൂമിലേക്ക്‌ വന്നത് .. എന്നിട്ട് പറഞ്ഞു “ ഇവിടെ ഇങ്ങിനെ നാണിച്ചു നില്‍ക്കാതെ വാ ഭക്ഷണം കഴിക്കാം “.. മടിച്ചു മടിച്ചു കൊണ്ട് ഞാന്‍ എല്ലാവരും ഇരിക്കുന്ന സ്ഥലത്തെത്തി .. എനിക്ക് ഭക്ഷണം ആദ്യം വിളമ്പി .. നല്ല വിശപ്പുള്ളത് കാരണം എല്ലാവരും കഴിക്കുന്നത്‌ പോലെ ഞാനും കഴിച്ചു . ഭക്ഷണം കഴിച്ചു കഴിഞ്ഞു എങ്ങോട്ട് പോകണം എന്നറിയാതെ നില്‍ക്കുമ്പോഴാണ് ഭാര്യ വന്നു പറഞ്ഞത് “വാ റൂമില്‍ പോകാം ..”.അവളുടെ കൂടെ റൂമിലെത്തി .. രാവിലെ റൂമില്‍  വിരിച്ച മുല്ല പൂവിന്റെ വാടിയ മണം അപ്പോഴും നില നില്‍ക്കുന്നു .. അവള്‍ കട്ടിലില്‍ ഇരുന്നു കൊണ്ട് പറഞ്ഞു “ ആ വാതില്‍ അടക്കെടോ  നമുക്ക് കിടക്കാം “...അത് കേട്ടതും ഞാന്‍ മെല്ലെ വാതില്‍ അടച്ചു കുറ്റിയിട്ടു  .. അവള്‍ എന്നെ  തന്നെ നോക്കുന്നു  ആ നോട്ടത്തില്‍ ഞാന്‍ ചൂളി പോയി .. , അവള്‍ മെല്ലെ ചിരിച്ചു കൊണ്ട് ചോദിച്ചു  “എന്താടോ താനിങ്ങിനെ ..?”ഞാന്‍ ചെറുതായി ഒന്ന് പുഞ്ചിരിച്ചു ..:) ..കൂടെ അവള്‍ ചോദിച്ചു  “ എന്നെ ഇഷ്ട്ടമായോ “.?അതെ എന്ന് പറഞ്ഞു ഞാന്‍ തലയാട്ടി ...“വാ ഇവിടെ ഇരിക്ക് ഞാന്‍ ഒന്ന് കാണട്ടെ എന്റെ ചെക്കനെ എന്ന് പറഞ്ഞു എന്റെ കയ് പിടിച്ചു കൊണ്ട് അവള്‍ അവളുടെ കൂടെ കൊണ്ട് ഇരുത്തി ..ഒന്നും ചെയ്യാന്‍ വയ്യാതെ ഞാന്‍ അവളുടെ അടുത്ത് തന്നെ ഇരുന്നു ...മെല്ലെ മെല്ലെ അവളോട്‌ ഞാന്‍ സംസാരിക്കാന്‍ തുടങ്ങി ..വീട്ടിലെ കാര്യങ്ങളും , എന്റെ പ്രണയങ്ങളെ കുറിച്ചും ഒക്കെ അവള്‍ ചോദിച്ചു ..ഇടയ്ക്കു ഞാന്‍ മെല്ലെ ചോദിച്ചു “ എന്നെ ഇഷ്ട്ടപെട്ടോ ..”..എന്റെ കവിളില്‍ ഒന്ന് നുള്ളി കൊണ്ട് അവള്‍ പറഞ്ഞു ..“ഞാന്‍ സ്വപ്നം കണ്ട പയ്യനാ നീ ഒരുപാട് ഇഷ്ട്ടമായി അന്ന് നീ ചായയുമായി വരുന്നത് കണ്ടപോഴേ യെനിക്കിഷ്ട്ടമായിരുന്നു ..”അത് കേട്ടപ്പോള്‍ എനിക്കും സന്തോഷമായി ...!!മണിക്കൂറുകള്‍ നീണ്ട സംസാരത്തിനോടുവില്‍ അവള്‍ പറഞ്ഞു“ഇനി നമുക്ക് കിടക്കാം അല്ലെ  ..?ഞാന്‍ പതുക്കെ എഴുന്നേറ്റു കൊണ്ട് ലൈറ്റ് ഓഫ്‌ ചെയ്തു ...!!!!!!!!!!ഒറ്റയ്ക്ക് കിടന്നു ശീലിച്ച  എനിക്ക് ലൈറ്റ് അണച്ചതും പേടി ആയി തുടങ്ങി ..പെട്ടെന്നാണ്  അവള്‍ അവളുടെ പുതപ്പ് കൊണ്ട് എന്നെ മൂടിയത്, കൂടെ എന്റെ അടുത്തേക്ക് നീങ്ങി കിടന്നു   .. ഞാന്‍ ആകെ നാണിച്ചു പോയി ....!!ഒന്നും പറയാനും ചെയ്യാനും വയ്യാതെ അവളുടെ കയ്കുള്ളില്‍  കിടന്നു ഞാന്‍ പിടഞ്ഞു .........സമയം പെട്ടെന്ന് പോയി കൊണ്ടിരുന്നു ....ഉറക്കത്തിനിടയില്‍അലാറത്തിന്റെ ശബ്ദം കേട്ടപ്പോഴാണ് നേരം വെളുത്തു എന്ന് മനസ്സിലായത്‌  .. അവളിപ്പോഴും നല്ല ഉറക്കമാണ് . ശല്യം ചെയ്യാതെ ഞാന്‍ എഴുന്നേറ്റു .. അഴിഞ്ഞു പോയാ തുണിയൊക്കെ എടുത്ത്‌ മെല്ലെ റൂം തുറന്നു പുറത്തേക്കു നടന്നു ..എന്തൊക്കെയോ ഒരു വല്ലായ്മ്മ .. !!!!!!!!!!ബാത്‌റൂമില്‍ കയറി എല്ലാ കാര്യങ്ങളും വേഗം കഴിച്ചു  ഞാന്‍ വീണ്ടും റൂമില്‍ വന്നു . അവളിപ്പോഴും എഴുന്നേറ്റിട്ടില്ല ,നല്ല ഉറക്കമാ ....ഞാന്‍ മെല്ലെ  തൊട്ടു വിളിച്ചു കൊണ്ട് പറഞ്ഞു  “നേരം വെളുത്തിട്ട് ഒരുപാട് നേരമായി .. എഴുന്നേല്‍ക്കൂ ..”കണ്ണുകള്‍ ചെറുതായി ഒന്ന്  തിരുമ്മി കൊണ്ട് അവള്‍ എഴുന്നേറ്റു . ശേഷം എന്നെ നോക്കി  ഒന്ന് ചിരിച്ചു ആ ചിരിയില്‍ എല്ലാം ഉണ്ടായിരുന്നു ....!കല്യാണത്തിന് ശേഷമുള്ള   ജീവിതം വളരെ സന്തോഷം തോന്നി എനിക്ക്‌ .. ..കുടുംബക്കാരുടെ വീടുകളില്‍ ഉള്ള വിരുന്നുകള്‍ , ടൂര്‍ , എല്ലാം നല്ല സന്തോഷംനിറഞ്ഞവയായിരുന്നു  ..അവളുടെ വീട്ടിലെ എല്ലാവര്‍ക്കും എന്നോട് ഭയങ്കര സ്നേഹം .. എനിക്കും അവരെ നല്ലോണം ഇഷ്ട്ടമായി ... അമ്മായി അമ്മ പോര് കേട്ട് പരിജയം ഉള്ള എനിക്ക് അവളുടെ ഉമ്മ തരുന്ന സ്നേഹം കണ്ടു സന്തോഷമാണ് തോന്നിയത് .. എന്റെ വീട്ടില്‍  നില്‍ക്കാന്‍ പോകുമ്പോള്‍ അയല്‍വാസികളും സുഹുര്തുക്കളും പറയുമായിരുന്നു “ ഭാഗ്യവാന്‍ ആണെടാ നീ “ ..ദിവസങ്ങള്‍ മാസങ്ങളായി കഴിഞ്ഞു കൊണ്ടിരുന്നു ..ഒരു ദിവസം രാവിലെ കിണറ്റിനു അരികില്‍  വെള്ളം കോരി കൊണ്ടിരുന്ന എനിക്ക് തല കറങ്ങുന്നത് പോലെ .. പെട്ടെന്ന് വെള്ളം കോരി കൊണ്ടിരുന്ന ബക്കറ്റ് കിണറ്റില്‍ വീഴുന്ന ശബ്ദം കേട്ടത് മാത്രമേ . എനിക്ക് ഓര്‍മ്മയോള്ളൂ ...ബോധം തെളിഞ്ഞപ്പോള്‍ ആശുപതിയില്‍ എല്ലാവരുടെയും ഇടയിലാണ് ..അരികെ ഭാര്യ ഇരിക്കുന്നുണ്ട് ... കണ്ണ് തുറന്നതോടെഎല്ലാവരും ഓടി വന്നു ..ഒന്നും മനസിലാവാതെ നില്‍ക്കുമ്പോഴാണ് നേഴ്സ് പറഞ്ഞത് “ സക്കരിയ്യ ഒരു കുഞ്ഞു വാവ പിറക്കാന്‍  പോകുന്നു “ ..എനിക്ക് വിശ്വസിക്കാന്‍ പറ്റിയില്ല .. ഞാന്‍ അവളുടെ മുഖത്തേക്ക് നോക്കിയപ്പോള്‍ അതെ എന്ന് പറഞ്ഞു അവള്‍ തലയാട്ടി  കണ്ണിറുക്കി  കാണിച്ചു ..എല്ലാരും ഞങ്ങള്‍ക്ക് സംസാരിക്കുവാന്‍ വേണ്ടി റൂമില്‍ നിന്നും  മാറി തന്നു .അവളെന്റെ   അരികില്‍ ഇരുന്നു കൊണ്ട് എന്റെ വയറില്‍ തൊട്ടു കൊണ്ട് പറഞ്ഞു “ എന്റെ കുട്ടിയാണ്  ഇതില്‍ കിടക്കുന്നത് ഇനി വല്ലാതെ ഇളകി  നടക്കുകയോന്നും ചെയ്യരുത്‌  ..”..പേടിയും സന്തോഷവും എല്ലാം കൂടി എനിക്ക് ഒന്നിച്ചു വന്നു ..പിന്നീടങ്ങോട്ടുള്ള ദിവസങ്ങളില്‍ അവള്‍ക്കെന്നോട് വലിയ സ്നേഹമായിരുന്നു .. അവള്‍ക്കു മാത്രമല്ല അവളുടെ വീട്ടുകാര്‍ക്കും ..ഭക്ഷണമൊക്കെ കഴിക്കാന്‍ മടി ആയിരുന്ന എന്നെ  നിര്‍ബന്ധിച്ചു അവള്‍  കഴിപ്പിച്ചു ..കൂടെ അവള്‍ എപ്പോഴും പറയുമായിരുന്നു “ നിങ്ങള്‍ കഴിച്ചാലേ നമ്മുടെ കുട്ടിക്ക് വളര്‍ച്ച ഉണ്ടാകൂ “ .അത് കേള്‍ക്കുമ്പോള്‍ ഞാന്‍ കഴിക്കും ..വീട്ടില്‍ കാണുവാന്‍ വരുന്നവരുടെ എണ്ണം കൂടി ..സുഹുര്തുക്കളൊക്കെ എന്നെ കണ്ടപ്പോള്‍ പറയാന്‍  തുടങ്ങി “ നിന്റെ കുട്ടി ആണ്‍ കുട്ടി ആണെടാ ..നീ നല്ലോണം സുന്ദരന്‍ ആയിട്ടുണ്ട്‌ എന്നൊക്കെ ..”..സ്നേഹ നിധിയായ എന്റെ ഭാര്യ എപ്പോഴും എന്റെ കൂടെ തന്നെ ഉണ്ടായിരുന്നു ..ഇന്നേക്ക് എട്ടു മാസം കഴിഞ്ഞു ഡോക്റെരെ ഒന്ന് കാണിക്കണം എന്ന് പറഞ്ഞു അവളുടെ ഉമ്മ എന്നെയും കൂട്ടി ഹോസ്പിറ്റലില്‍ എത്തി  ....ഹോസ്പിറ്റലില്‍ എത്തിയ  എന്നെ പരിശോദിച്ചു  കൊണ്ട് ഡോക്ടര്‍ പറഞ്ഞു “ കുട്ടിക്ക് നല്ല വളര്‍ച്ച ഉണ്ട് കുറച്ചു ബുദ്ധിമുട്ട് ഉണ്ടാകും പ്രസവം “ അത് കൊണ്ട് നല്ലോണം ശ്രദ്ധിക്കണം , ഇളകി നടക്കരുത് ,ഭക്ഷണമൊക്കെ  നേരത്തിനു കഴിക്കണം .. എന്നൊക്കെ ഉപദേശിച്ചു കുറച്ചു വിറ്റാമിന്‍ മരുന്നുകള്‍ എഴുതി തന്നു..........പരിശോധന  കഴിഞ്ഞു വീട്ടില്‍ വന്നു ഭക്ഷണമൊക്കെ കഴിച്ചു ഒന്ന് മെല്ലെ മയങ്ങി ....ദിവസങ്ങള്‍ പെട്ടെന്ന് കഴിഞ്ഞു .. ഡോക്ടര്‍ പ്രസവിക്കുമെന്നു പറഞ്ഞ  ഡേറ്റ് നാളെയാണ് .. വീട്ടില്‍ ആരും ഒന്നും പറയുന്നില്ല .. അവള്‍ക്കാനെന്കില്‍  ഒരു സമാധാനവും ഇല്ല ഇരിക്കുന്നും ഇല്ല നില്‍ക്കുന്നും ഇല്ലാ .... പേടിക്കാന്‍ ഒന്നും ഇല്ല എന്ന് എന്നെ നോക്കാന്‍ വന്ന ആളു എന്നോട് വന്നു പറഞ്ഞു ..നിറ വയറുമായി റൂം അടിച്ചു വാരാന്‍ തുനിഞ്ഞ  എന്നെ അവള്‍ ചീത്ത പറഞ്ഞു “ അവിടെ പോയി ഇരിക്ക് മനുഷ്യാ ഞാന്‍ ചെയ്തോളാം “എന്ന് പറഞ്ഞു അവള്‍ ചൂല്‍ എന്റെ കയ്യില്‍ നിന്നും വാങ്ങി ..അന്ന് രാത്രി എന്തോ ഒരു വല്ലായ്മ്മ പോലെ .. ഞാനവളെ വിളിച്ചു കൊണ്ട് പറഞ്ഞു “എനിക്ക് തീരെ സുഖം ഇല്ല വല്ലാത്ത ക്ഷീണം  തോന്നുന്നു .., അവള്‍ വേഗം പോയി ഉമ്മയെ വിളിച്ചു .. പറഞ്ഞ ഉടനെ അവളുടെ ഉമ്മ വന്നു എന്നോട് പറഞ്ഞു “ പേടിക്കാന്‍ ഒന്നും ഇല്ല  കുറച്ചു സമയം കൂടി നോക്കി നമുക്ക് ആശുപത്രിയില്‍ പോകാം . പേടിക്കണ്ടാ .. മനസ്സ്‌ ബേജാറാക്കല്ലേ ..”അത് കേട്ടപ്പോള്‍ കുറച്ചു ആശ്വാസം ആയത് പോലെ ഞാന്‍ മെല്ലെ അവിടെ കിടന്നു ..അര മണിക്കൂര്‍ കഴിഞ്ഞപ്പോള്‍വയറിനുള്ളില്‍  നന്നായി വേദനിക്കുന്നു ..ശരീരം തളരുന്നത് പോലെ ഞാന്‍ ഭാര്യയെ വിളിച്ചു .........  വേദന കൂടി കൂടി വന്നു ..എല്ലാവരും എന്റെ അടുത്ത് വന്നിരുന്നു കൊണ്ട് എന്തൊക്കെയോ ചെയ്യുന്നു ..പെട്ടെന്ന് വല്ലാത്തൊരു വേദന ഞാന്‍ ഉറക്കേ നില വിളിച്ചു,,,,,,,, ആ ,ആഅഹ് ... വീണ്ടും വീണ്ടും ഞാന്‍ ഒച്ച വെച്ച് നിലവിളിച്ചു .... എനിക്ക് വയ്യേയ്യേയ്യേയ്യേ .........കരയുന്നതിനിടയിലാണ്    ആരോ എന്റെ മേലെ തട്ടി വിളിച്ചു കൊണ്ട് ചോദിച്ചത് “””’ എന്താട  സക്കരിയ്യ  എന്ത് പറ്റി ,,എന്തിനാണ് നീ ഒച്ച വെച്ചത് ..?””  ഈ പരുക്കന്‍ ശബ്ദം കേട്ടു കണ്ണ് തുറന്നപ്പോഴാണ് റൂമിലെ ഉസ്മാന്‍ എന്റെ മുഖത്തേക്ക് തുറിച്ചു നോക്കുന്നത്   കണ്ടത് .. പെട്ടെന്ന് പുതപ്പ് തട്ടി മാറ്റി ഞാന്‍ ചാടി എഴുന്നേറ്റു .. ഒരു  നിമിഷത്തെ നിശബ്ധധക്ക് ശേഷം ഞാന്‍ നോര്‍മല്‍ ആയി .. ഞാന്‍ വയറൊന്ന് തടവി നോക്കി .....!!!!!!!!!! ഇല്ലാ ഞാന്‍ ഗര്‍ഭം ധരിച്ചിട്ടില്ല .. ഞാന്‍ പ്രസവിച്ചിട്ടില്ല ...!! എന്നൊക്കെ പറഞ്ഞു ഞാന്‍ നിന്ന് കിതക്കാന്‍ തുടങ്ങി ...“എന്താട ഉണ്ടായത് എന്ന് ഉസ്മാന്‍ വീണ്ടും  ചോദിച്ചപ്പോള്‍ .. “ഞാന്‍ പറഞ്ഞു “ ഒരു ഗ്ലാസ്‌ വെള്ളം ഇങ്ങട് എടുക്കു പറയാം”...... ഫ്രിഡ്ജ്‌ തുറന്നു വെള്ള കുപ്പി നീട്ടി കൊണ്ട് അവന്‍ പറഞ്ഞു “ എന്ത് സ്വപ്നം ആണെടാ നീ ഈ നട്ട പാതിരാക്ക് കണ്ടത്‌ ..? അതും ഇങ്ങിനെ ഒച്ച വെക്കാന്‍ മാത്രം?”വെള്ളം കുടിച്ചതിനു ശേഷം ഞാന്‍ ഉസ്മാനോട് പറഞ്ഞു “ ഉസ്മാനെ കുറച്ചു നേരം  കൂടി ഞാന്‍ ഉറങ്ങുകയാണെങ്കില്‍  ഞാന്‍ പ്രസവിച്ചു പോയെന്നെ .. ഭാഗ്യത്തിന്  ഞാന്‍ പ്രസവിചില്ല ഡാ  ഹൂ ..”ഞാന്‍ കണ്ട സ്വപ്നം കേട്ടു ഉസ്മാനും മറ്റുള്ളവരും കട്ടിലില്‍ കിടന്നു ആര്‍ത്തു ചിരിക്കുമ്പോഴും .. ഞാന്‍ ഓര്‍ക്കുകയായിരുന്നുഎവിടെ എന്റെ ഭാര്യ ...? ഏതായിരുന്നു ആ വീട് ........?.ആലോചിച്ചു വീണ്ടും കിടാക്കാന്‍ തുടങ്ങി .. പ്രസവ വേദന സ്വപ്നത്തില്‍ ഇങ്ങിനെ ആണെങ്കില്‍ ശെരിക്കും  എങ്ങിനെ ആയിരിക്കും ..? .. ആണായി  പിറന്നത് കൊണ്ട് രക്ഷപെട്ടു ....പെണ്ണുങ്ങളെ സമ്മധിച്ചു..... കെട്ടാ....!!!! പ്രസവിക്കാന്‍ നിങ്ങള്‍ക്കെല്ലാതെ ഞങ്ങളെ കൊണ്ടാവൂല്ലാ ...............!ഒരു പാട് സ്വപ്നം യെന്നും കാണാറുണ്ടെങ്കിലും ഈ സ്വപ്നം ഞാന്‍ എന്റെ ജീവിതത്തില്‍ മറക്കൂല്ലാ ............. ഹൂ  ഹൂ ...
    മടിക്കണ്ട ആരും കാണില്ല എഴുതിക്കോ ഒരു പൊളപ്പന്‍ കമന്റ് അല്ലെങ്കില്‍ zeekuzac@yahoo.com ഈ മെയിലിലേക്ക് ഒരു മെസേജ് വിട്ടാലും മതി ഇനി ഇതിനൊന്നും വയ്യെങ്കില്‍ വിളിക്കാന്‍ മറക്കണ്ട 9747709002


Zac കിഴക്കേതില്‍ Zac™
║▌│█║▌║│█║║▌█ ║▌
╚»+919747709002«╝

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ